អតីត​ពិធី​ការិនី​មួយ​រូប គឺ​លោកជំទាវ ម៉ន ថា​រ័ត្ន កាន់តែ​ជោគជ័យ ក្រោយ​ទទួល​បាន​ពាន​អន្តរជាតិ​

លោកជំទាវ ម៉ន ថា​រ័ត្ន អគ្គនាយិការ​មជ្ឈមណ្ឌល EM Beauty Clinic ដែល​គេ​ស្គាល់​ថា​គឺជា​អតីត​ពិធី​ការិនី​ក្នុង​ប៉ុស្តិ៍​ទូរទស្សន៍​មួយ កាន់តែ​បង្ហាញអោយឃើញ​ពី​ភាពជោគជ័យ ក្រោយ​លោកជំទាវ​មាន​ស្វាមី​ជា​ឧកញ៉ា ហើយ បានទទួល​ទទួលពាន​មួយ ក្នុងនាម​ជា​ម្ចាស់​គ្លីនិក​កែ​សម្ផស្ស​ដែលមាន​គុណភាព និង សុវត្ថិភាព​ខ្ពស់​សម្រាប់​អតិថិជន កាលពី​ចុងខែ​ឧសភា​។


ពាន​ដែល​ទទួល​បាន​នេះ បង្ហាញ​យ៉ាង​ច្បាស់​ថា លោកជំទាវ​គឺជា​អតីត​ពិធី​ការិនី​ ដែល​បាន​តស៊ូ​ពី​នារី​សាមញ្ញ ហើយ​ក្លាយ​ជា​ម្ចាស់​ហាង​កែ​សម្ផស្ស​ដ៏​ជោគជ័យ​ម្នាក់ ដោយ​សេវាកម្ម​កែ​សម្ផស្ស​របស់​លោក​ជំទាវ ក៏​ទទួលស្គាល់​ដោយ​គណៈកម្មការ​វាយតម្លៃ​ស្តង់ដារ កម្រិត​អន្តរជាតិ។

លោកជំទាវ​ក៏​បង្ហាញ​ពី​មោទនភាព​ក្រោយ​ការទទួលពាន​ផងដែរ ស្របពេល​ ដែល​នេះ​គឺជា​ក្ដី​ស្រ​មៃ បន្ទាប់ពី​លោកជំទាវ​បើកហាង EM Beauty Clinic នៅ​ជិត​រង្វង់​មូល​ទួល​គោក ដែល​ល្បី​ខាង​វះកាត់​កែ​សម្ផស្ស និង សម្រក​ខ្លាញ់​ក្បាលពោះ អោយ​តារា​សិល្បៈ​ល្បីៗ ហើយ​ត្រូវ​បាន​ក្រសួងសុខាភិបាល​កម្ពុជា និង ស្ថាប័ន​វាយតម្លៃ​ផ្នែក​សុខភាព​ប្រចាំ​តំបន់​អាស៊ាន វាយតម្លៃ​អោយទទួល​ពាន​។

​លោកជំទាវ ម៉ន ថា​រ័ត្ន បញ្ជាក់ថា នេះ​ជា​មោទនភាព និង ជា​កម្លាំងចិត្ត​មួយ​ដ៏​ធំ​របស់​លោកជំទាវ និង គ្លីនិក​កែ​សម្ផស្ស​ទាំងមូល បន្ទាប់ពី​ត្រូវបាន​គណៈកម្មការ​សុខ​ភាព​ក្នុង​តំបន់​អាស៊ាន​វាយតម្លៃ និង ជ្រើស​ជា​គ្លីនិក​កែ​សម្ផស្ស​នៅ​កម្ពុជា ដែលមាន​ស្ដង់ដារ និង សុវត្ថិភាព​ខ្ពស់ ក្នុង​ការបម្រើ​សេវាកម្ម​ផ្នែក​កែ​សម្ផស្ស ដែល​ការទទួលស្គាល់​នេះ ក៏​បង្ហាញ​យ៉ាងច្បាស់​ថា សេវាកម្ម​ផ្នែក​កែ​សម្ផស្ស​នៅ​កម្ពុជា កំពុង​មានការ​ឈានឡើង និង អាច​ទុកចិត្តបាន​។

​លោកជំទាវ ច​ន ច័ន្ទ​លក្ខិណា និង តារា​កំប្លែង ខ្ញុង ដែល​តែង​ចេញចូល​កែកុន​នៅក្នុង​ហាង EM របស់លោក​ជំទាវ និង បាន​ចូលរួម​នៅក្នុង​ពិធី​នោះបាន​លើកឡើងថា ពិធី​ប្រគល់​ពាន​នេះ បង្ហាញ​កាន់តែច្បាស់​ថា សេវាកម្ម​កែ​សម្ផស្ស​របស់​គ្លីនិក​ក្នុងស្រុក ពិសេស​គឺ​ក្នុង​ហាង EM Beauty Clinic គឺ​អាច​ទុកចិត្តបាន ស្រប​ពេល​ដែល​លោកជំទាវ ក៏បាន​ជឿ​ទុកចិត្ត និង ទទួលយក​សេវាកម្ម​ថែរក្សា​សម្ផស្ស និង កែកុន​ជា​ហូរហែរ នៅក្នុង​គ្លីនិក​ក្នុងស្រុក​មួយ​នេះ ជំនួស​អោយ​គ្លីនិក​ក្រៅ​ស្រុក​។ លោកជំទាវ ច​ន ច័ន្ទ​លក្ខិណា ថា លោកជំទាវ ម៉ន ថា​រ័ត្ន អាច​ចាត់ទុកថា គឺជា​តារា​សិល្បៈ​ខ្មែរ​ដែល​គួរអោយ​សរសើរ​តែ​ម្នាក់ ដែល​បាន​ហក់​ចូល​នៅក្នុង​វិស័យ​កែ​សម្ផស្ស ដោយបាន​ហែល​ឆ្លង​ការសិក្សា​ដល់​ក្រៅប្រទេស ហើយ​អាច​ពង្រឹង​សេវាកម្ម និង គុណភាព​ក្នុងការ​វះកាត់ លើ​គ្រប់​សេវាកម្ម ជាពិសេស​សេវាកម្ម​កែ​ដើមទ្រូង ដាក់​ខ្ទង់ច្រមុះ សេវាកម្ម​បូម​ខ្លាញ់​សម្រក​ទម្ងន់ និង សេវាកម្ម​ធ្វើអោយ​មុខ​ក្មេង​ជាដើម រហូត​ធ្វើអោយមាន​ការទទួលស្គាល់​ជា​លក្ខណៈ​អន្តរជាតិ​៕​

Related posts

Leave a Comment