ទីបំផុត នៅថ្ងៃទី១៩ ខែមីនា ឆ្នាំ២០២២នេះ តារាកំប្លែង វ៉ាន់ នីឡា បានចូលរោងការបញ្ចប់ភាពនៅលីវ ជាមួយកូនកំលោះ ស៊ុត សក្ការៈ ហើយ ក្រោយពីខកខានជាច្រើនលើកច្រើនសា នោះ។
តាមគម្រោង នីឡា និងគូដណ្ដឹង ត្រូវចូលរោងការតាំងពីខែឧសភា ឆ្នាំ២០២០ មកម្ល៉េះ ប៉ុន្តែដោយសារតែការរីករាលដាលនៃជំងឺកូវីដ-១៩ ទើបធ្វើឱ្យពួកគេត្រូវសម្រេចពន្យារពេល រហូតមកដល់ថ្ងៃនេះតែម្ដង។
ពិធីមង្គលការរបស់វ៉ាន់ នីឡា ធ្វើឡើង សណ្ឋាគារសុខា ក្រុងភ្នំពេញ ក្រោមការចូលរួមពីមសមាជិកគ្រួសារ ព្រមទាំងភ្ញៀវកិត្តិយស ក៏ដូចជាមិត្តក្នុងរង្វង់សិល្បៈយ៉ាងកុះករ។
អ្វី ដែលកាន់តែពិសេសនោះ ក្នុងមង្គលការនេះ ក៏មានវត្តមានដ៏ខ្ពង់ខ្ពស់របស់លោកជំទាវ ហ៊ុន ស៊ីណាត ចូលរួមដឹកដៃកូនកំលោះ-ក្រមុំ ផងដែរ ក្រោយពីលោកជំទាវ បានជាសះស្បើយពីជំងឺកូវីដ១៩ថ្មី ប្រភេទ អូមីក្រុង នោះ។
បង្ហោះភ្ជាប់ជាមួយរូបថតជាច្រើនសន្លឹក លោកជំទាវ ហ៊ុន ស៊ីណាត បានបញ្ជាក់ថា «ថ្ងៃនេះដឹកដៃកូនកំលោះ និងកូនក្រមុំក្នុងសិរីមង្គលអាពាហ៍ពិពាហ៍ក្មួយប្រុសស៊ុត សក្ការៈ និងក្មួយស្រីវ៉ាន់ នីឡា សូមជូនពរដល់ក្មួយទាំងពីរឲ្យស្រលាញ់គ្នាដល់ចាស់ព្រឹទ្ធចាស់ព្រេងជៀសមិនបានទេសុំថតទៀត១៩.៣.២០២២»៕
