ប្រិយមិត្តអ្នកតាមដានព័ត៌មានសិល្បៈច្បាស់ជាបានជ្រាបរួចមកហើយ នូវគូស្នេហ៍ដ៏ផ្អែមល្ហែម គឺតារាចម្រៀង ឯករាជ្យ ងួន ចាន់ដេវីត ហៅG-Dvith និងកញ្ញាទេព បូព្រឹក្ស ដោយគិតមកដល់ បច្ចុប្បន្ន ពួកគេបានស្រឡាញ់គ្នាអស់រយៈពេលប្រមាណជិត៥ឆ្នាំមកហើយ។
បើទោះ ពួកគេទាំង២ក្លាយជាអ្នកចម្រៀងឯករាជ្យមិនជ្រកកោនក្រោមផលិតកម្មណាក៏ដោយ ក៏នៅតែទួលបានការគាំទ្រច្រើនដដែល ពីសំណាក់យុវវ័យ តាមរយៈការចេញបទចម្រៀងខ្លួនឯង ការលេចមុខតាមកម្មវិធីប្រគំតន្ត្រីធំៗមួយចំនួន ការធ្វើវីដេអូប្លុក ជាពិសេសនោះ ពួកគេក៏ជាទូតសុឆន្ទៈរបស់ក្រុមហ៊ុនទូរសព្ទដ៏ល្បីមួយ រួមនឹងការផ្សព្វផ្សាយពាណិជ្ជកម្មឲ្យក្រុមហ៊ុនមួយចំនួនទៀត។
បច្ចុប្បន្ន ពួកគេទាំង២នាក់ កំពុងតែស្រឡាញ់គ្នា រស់នៅយ៉ាងមានសុភមង្គល ហើយឧស្សាហ៍បង្ហាញភាពផ្អែមល្ហែម ក៏ដូចបង្ហោះសារលែបខាយ ឌឺដងគ្នាបែបលេងសើចនៅលើបណ្ដាញសង្គមខ្លាំងណាស់ ជាហេតុធ្វើឲ្យអ្នកគាំទ្រពួកគេ មានការពេញចិត្តខ្លាំងណាស់។
ជាក់ស្ដែង កាលពីយប់ថ្ងៃទី១៩ ខែកក្កដា ឆ្នាំ២០២១ កញ្ញា ទេព បូព្រឹក្ស បានបង្ហោះរូបថតជាច្រើនសន្លឹក ក្នុងពេលដើរលេងជាមួយ លោក ងួន ចាន់ដេវីត លើកទី១ ដោយភ្ជាប់ជាមួយសារបែបនេះថា «កាលដើរលេងមួយគ្នាលើកដំបូង លើកទី ១ G-Devith អូសទូរស័ព្ទមកឃើញ អនុស្សាវរីយ៍មុនមុនចង់សើច»។
តាមរយៈរូបថតទាំងនោះ បានធ្វើឲ្យអ្នកគាំទ្រមួយចំនួន ចាប់អារម្មណ៍ទៅលើស្នាមនៅលើ, ក,របស់ លោក G-Devith ហើយក៏បញ្ចេញយោបល់បែបនេះថា «ក បងដេវីត ប្រហែលដើរលេងទៅមូសខាំហើយ, ស្នាមនេះស្នាមខាំបងដំបូង, បូព្រឹក្ស ធ្វើបាបផ្លូវកាយIdol ខ្ញុំណាស់, ស្នាមជាំគ្រាដំបូង»។
ចំពោះស្នាមជាំលើ.ក ដៃគូខ្លួននេះ កញ្ញាទេព បូព្រឹក្ស បានបញ្ជាក់តាមរយៈខំមិនថា «អត់ទេមានជាំ ក ណាពេលនឹងភ្លេចគិតលែងនឹងដែរ មិចទៅជាំ កចឹង យើស។ ការលើកឡើងបែបនេះ ត្រូវបានអ្នកគាំទ្រ ឆ្លើយថា «មូសអ្នកខាំកពូវីតមែនចែព្រឹក, ហេតុតែគេនាក់មានគូ, អត់ជឿទេ មានភស្ដុតាងច្បាស់ៗ, សុំខាន់អ្នកមើលពិនិត្យតាំងពីករទៀត កំពូលfans»៕
