អ្នកឧកញ៉ា ឡេង ណាវ៉ាត្រា ដែលគេស្គាល់ស្ទើរគ្រប់គ្នាថា ជាអតីតពលករនៅប្រទេសកូរ៉េនោះ ពេលនេះ កំពុងតែកាប់កប លើមុខជំនួញខ្លាំងណាស់ ហើយគ្រួសាររបស់លោក ក៏កាន់តែមានសុភមង្គលផងដែរ។
ស្របពេល ដែលមានភាពជោគជ័យលើមុខជំនួញនេះ អ្នកឧកញ៉ាឡេង ណាវ៉ាត្រា ក៏មិនភ្លេចចំពោះការធ្វើសកម្មភាពមនុស្សធម៌ ដោយជារឿយៗអ្នកឧកញ៉ា តែងតែលេចមុខបរិច្ចាគថវិកាផ្ទាល់ខ្លួន ជួយប្រជាពលរដ្ឋជានិច្ច ពេលមានគ្រោះកាចណាមួយកើតឡើងនោះ។
ទោះយ៉ាងណា អ្នកឧកញ៉ា មិនភ្លេចចំពោះការប្រើប្រាស់សម្ភារៈផ្គាប់ចិត្តខ្លួនឯង និងគ្រួសារឡើយ ដោយកាលពីចុងឆ្នាំ២០២០ និងឆ្នាំ២០២១នេះ អ្នកឧកញ៉ា បានទិញរថយន្តស៊េរីទំនើបជាបន្តបន្ទាប់ជូនភរិយារបស់ខ្លួន បន្ថែមលើរថយន្ត ដែលមានស្រាប់នោះ។
ជាក់ស្ដែង កាលពីរសៀលថ្ងៃទី២ ខែកក្កដា ឆ្នាំ២០២១កន្លងទៅនោះ លោក យឹម តាស្រង់ បានបង្ហោះវីដេអូ មួយ បង្ហាញពីទិដ្ឋភាពរថយន្តជាច្រើនគ្រឿងរបស់អ្នកឧកញ៉ា ឡេង ណាវ៉ាត្រា ចតចម្រៀងជាជួរក្នុងភូមិគ្រឹះរបស់ខ្លួនសរុបមានរហូតដល់១១គ្រឿងឯណោះ។
បង្ហោះភ្ជាប់ជាមួយវីដេអូនោះ លោកយឹម តាស្រង់ បានសរសេរសារយ៉ាងខ្លីថា «សុទ្ធតែឡានមេ ស្រឡាញ់មួយណាជិះមួយហ្នឹងទៅ»។ ដោយឃើញបែបនេះ អ្នកលេងបណ្ដាញសង្គមហ្វេសប៊ុកមួយចំនួនមានការចាប់អារម្មណ៍ជាខ្លាំង ក្នុងនោះ លោក មួន ម៉ារ៉ា ក៏បានលាន់មាត់ថា «ចុមឡានគាត់ច្រើនម្ល៉េះ»។
ដោយឃើញបែបនេះ លោក យឹម តាស្រង់ ក៏បានឆ្លើយតបថា «គាត់ចង់ជិះឱ្យគ្រប់ម៉ាក»។ ឮដូច្នេះលោក មួន ម៉ារ៉ា ក៏លាន់មាត់សរសើរទៀតថា «អស្ចារ្យណាស់»៕ ដើម្បីជ្រាបកាន់តែច្បាស់ថែមទៀតនោះ សូមទស្សនាវីដេអូ ខាងក្រោមនេះ ទាំងអស់គ្នា ៖
