កាលពីថ្ងៃទី១៧ ខែមីនា ឆ្នាំ២០២១កន្លងទៅនេះ កំពូលតារាចម្រៀងព្រាប សុវត្ថិ ចាប់ដៃគូជាមួយកញ្ញាតន់ ចន្ទសីម៉ា បានចេញចម្រៀងមួយបទមានចំណងជើងថា «មនុស្សស្រីចាំតែខុស មនុស្សប្រុសមានកំហុសពេលមួម៉ៅ» ដោយបទនេះ ឃើញថា មានភាពចាក់ដោតពាក់ព័ន្ធនឹងរឿងរ៉ាវជម្លោះប្ដីប្រពន្ធ កំពុងកើតឡើងក្នុងសង្គមនាពេលបច្ចុប្បន្ន។
ដោយឡែក កាលពីព្រឹកថ្ងៃទី២ ខែមីនា ឆ្នាំ២០២១កន្លងទៅនេះ ស្រាប់តែកំពូលតារាចម្រៀងព្រាប សុវត្ថិ បានចេញចម្រៀង១បទទៀត មានចំណងជើងថា «ចង្កៀងផ្ទះអ្នកណាភ្លឺផ្ទះអ្នកហ្នឹង» ដោយឃើញថា កាន់តែចាក់ដោតថែមមួយកម្រិតទៀត ពាក់ព័ន្ធនឹងរឿងរ៉ាវកំពុងកើតឡើងនាពេលបច្ចុប្បន្នដូចគ្នានេះ។
ទោះយ៉ាងការ ការចាក់ដោត បទទី១ ពាក់ព័ន្ធនឹងគូស្នេហ៍ ឬប្ដីប្រពន្ធ ដែលមានជម្លោះជាមួយគ្នា ដោយសារការមិនយល់ពីគ្នា ឯការចាក់ដោតចំពោះបទទី២ខាងលើនេះ ពាក់ព័ន្ធនឹងអ្នកលេងបណ្ដាញសង្គមហ្វេសប៊ុកមួយចំនួនវិញម្ដង ដែលចេះដឹងរឿងគេ ហើយធ្វើការវិនិច្ឆ័យថា អ្នកណាត្រូវ អ្នកណាខុស ពេលប្ដីប្រពន្ធ ឬគូស្នេហ៍ឈ្លោះគ្នា ដោយគ្រាន់តែស្ដាប់សម្ដីតែម្ខាងនោះ។
បទ «ចង្កៀងផ្ទះអ្នកណាភ្លឺផ្ទះអ្នកហ្នឹង» និពន្ធទំនុកច្រៀង និង Melody÷ យឹម តាស្រង់, និពន្ធបទភ្លេង÷ ខាន់ ចូវយី, Mix Master÷ សាក់ ធារិទ្ធ, ដឹកនាំសម្តែង៖ Run Sokhengកាត់ត÷ Zack, ថតដោយ÷ សុខ ដាន់, រៀបចំការផលិត÷ រាជ ម៉ានុត, ជំនួយការ÷ ឈន ពិសិដ្ឋ, កែពណ៌÷ M-Free។
នៅពេលនោះដែរ កវីរនិពន្ធយឹម តាស្រង់ ក៏បានធ្វើការផ្ញើបទនេះ ជូនចំពោះអ្នកចេះដឹងរឿងគេផងដែរ។ លោក បានខំមិន ក្រោមបទនេះ ដូច្នេះថា «បទនេះខ្ញុំនិពន្ធផ្ញើជូនអ្នកដែលចូលចិត្តចេះដឹងរឿងគេជាពិសេស យកពេលមើលជីវិតខ្លួនឯងជាជាងមើលជីវិតគេហាហា តាមពិតនិពន្ធឡើងគ្រាន់តែជាសារដាស់រំលឹកបងប្អូនមួយចំនួនធំកុំឲ្យភ្លេចខ្លួនចំពោះការចំណាយពេលមើលរឿងគេ»។
ទោះបទនេះចេញរាងយូរបន្តិចក៏ពិតមែន តែដោយសារតែរឿងរ៉ាវក្នុងសង្គម នៅតែកើតឡើងបែបនេះទៀតនោះ ទើបធ្វើឲ្យចម្រៀង១បទនេះ នៅតែចាក់ដោតនៅឡើយ។
ជាក់ស្ដែង អ្នកនាង ដេត ម៉ាលីណា ដែលកំពុងតែមានរឿងរ៉ាវស្រាប់ ជាមួយនឹងគ្រួសារអតីតស្វាមី គឺលោក ឌួង ឆាយ ផងនោះ ស្រាប់តែអំឡុងឆ្នាំ២០២១ នាងបានAdd Story នូវចម្រៀងមួយបទនេះ លើទំព័រហ្វេសប៊ុករបស់ខ្លួន កាលពីអំឡុងមានជម្លោះជាមួយគ្នាក្ដៅគគុកនោះ។
ទន្ទឹមនឹងនេះ នាងក៏បានប្ដូរប្រូហ្វាល់ ហើយប្រាប់ថា «កុំផ្ញើក្ដីសុខលើមាត់អ្នកដទៃ ធ្វើអ្វីដែរខ្លួនយើងចង់ធ្វើទៅអោយតែមិនខុស ចំពោះអ្នកដទៃនិងខ្លួនឯង កុំទម្លាប់ស្ដាប់តែម្ខាង គ្រប់រឿងសុទ្ធតែមានហេតុ និងផល»៕ ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
