មានអ្នកស្គាល់អត់! ម្ចាស់​ផលិតកម្ម​ម្នាក់ បង្ហាញមុខ តារា​សម្ដែង​មុនដំបូង​បង្អស់​ក្នុង​ឆ្នាំ​១៩៨៨(មានវីដេអូ)

និយាយ​ពី​តារា​សម្ដែង​ជើងចាស់​មួយ​ចំនួន ប្រហែលជា​កម្រ​មាន​អ្នក​ស្គាល់​ណាស់ ដោយសារ​បច្ចុប្បន្ន​នេះ ពួកគេ បាន​រសាត់​ឆ្ងាយ​ពី​ពិភព​សិល្បៈ​អស់​ទៅ​ហើយ ហើយ​ម្យ៉ាងទៀត ក៏​មិន​សូវ​មាន​ព័ត៌មាន​ច្រើន ពាក់ព័ន្ធ​នឹង​តារា​ជើងចាស់​ទាំងនោះ​ផងដែរ។

ជាការ​គាស់កកាយ​ឲ្យ​បងប្អូន​ប្រជាពលរដ្ឋ​បាន​ស្គាល់ ក៏ដូចជា​រំលឹក​ដល់​តារា​ជើងចាស់​មួយ​ចំនួន ដែល​ធ្លាប់​ថត សម្ដែង​នៅ​ផលិតកម្ម​ខ្លួន​នោះ អ្នកស្រី​ម្ចាស់​ផលិតកម្ម អង្គរវត្ត ក្នុង​រយៈពេល​ប៉ុន្មាន​ថ្ងៃនេះ បាន​បង្ហោះ​រូបថត​តារា​ជើងចាស់​ជាច្រើន​ដួង ធ្វើ​ឲ្យ​អ្នក​ធ្លាប់​គាំទ្រ​កន្លងមក មានការ​ចាប់អារម្មណ៍​ផង​ដែរ។

ជាក់ស្ដែង កាលពី​ថ្ងៃ​ទី​២១ ខែ​វិច្ឆិកា ឆ្នាំ​២០២០​កន្លង​ទៅ​នេះ អ្នកស្រី​ម្ចាស់​ផលិតកម្ម​ខាងលើ ប្រើប្រាស់​គណនី​ហ្វេ​ស​ប៊ុ​ក​ឈ្មោះ​«Sovanny Sam» បាន​បង្ហោះ​រូបថត​ដើម្បី​បង្ហាញ​តារា​ស្រី​ចំនួន​២​ដួង តាម​ការ​សំណូមពរ​របស់​បងប្អូន​មួយ​ចំនួន ក្នុង​នោះ មាន​តារា​ស្រី​ម្នាក់ ជា​តារា​សម្ដែង​មុនដំបូង​បង្អស់​ក្នុង​ឆ្នាំ​១៩៨៨​ផងដែរ។

អ្នកស្រី​ម្ចាស់ ផលិតកម្ម អង្គរវត្ត បាន​បង្ហោះ​រូបថត​ជាច្រើន​សន្លឹក អម​ដោយសារ​ការ​រៀបរាប់​ដូច្នេះ​ថា «​តាម​សេចក្ដី​សុំ​ពី​អ្នក comment យ៉ាងច្រើន​ចង់ឃើញ​រូបនាង អ៊ូ​ល​ក្ខិណា ឥឡូវ​ផលិតកម្ម ( ផលិតកម្ម អង្គរវត្ត )​នាង​ខ្ញុំ​ដាក់​រូបនាង អ៊ូ​ល​ក្ខ័​ណា​ជូន​ហើយ ម្យ៉ាងទៀត​ខ្ញុំ​ចង់​ជម្រាប​បងប្អូន​មិត្ត​ភក្ដិ​ដែលបាន​ជួយ​គាំទ្រ (​ផលិតកម្ម អង្គរវត្ត ) ផលិតកម្ម​នាង​មិន​ដែល​យក​រូបថត​តារា​ប្រុស​ស្រី​ណា​ដែល​មិនបាន​សំដែង​នៅ​ផលិតកម្ម​របស់ខ្ញុំ​យក​រូបគេ​មក​ដាក់​ក្នុង Facebook របស់ខ្ញុំ​ទេ នាង​អ៊ូ​ល​ក្ខិ​ណា​សំដែង​ចម្រៀង​កាយវិការ​ជាមួយ​ក្មួយ ទេព​រិ​ន​ដា​រ៉ូ​ នូវ​បទ ម្ដាយក្មេក​មកលេង​»​។​

អ្នកស្រី​បន្តថា «​តើ​បង​នៅចាំ​តារា​ស្រី​ស្លៀក​រ៉ូ​ពណ៌​ខៀវ​លាយ​ខ្មៅទេ? គឺ​នាង​អុំ​កណ្ណា​រី នាង​ជាតា​រា​សំដែង​មុនដំបូង​បង្អស់​នៅ​ឆ្នាំ 1988 ក្នុង​រឿង ចិត្ត​ចងចាំ ឆ្អឹង​អណ្ដែត ដឹកនាំ​ដោយ លោក​ម៉ៅ​អាយុទ្ធ និង​រឿង​ខ្សឹ​មៗ​ រឿង​ស្នេហ៍ ឆ្នាំ​1990 នាង​បាន​រៀប​អាពាហ៍ពិពាហ៍​​បាន​ចាក​ចេញទៅ​រស់នៅ USA សូម​អគុណ​»៕

Related posts

Leave a Comment