មិនមែន​លំៗ​ទេ​! អាណា​រ៉ូ​ស ធ្លាប់​និយាយ​ថា ​អត់​ដែល​ស្គាល់​វ៉ាន់ដា ឥឡូវ​ប្រកាស​ក្ដែ​ងៗ ចង់​ជួប​វ៉ាន់ដា ធ្វើ​រឿង​មួយ​នេះ​

ប្រិយមិត្ត​អ្នកអាន​បាន​ជ្រាប​រួច​មក​ហើយ​ថា តារា​សម្ដែង​មានឈ្មោះ​ពិត ហាស់ វី​រ៉ា​ស្រីរ័ត្ន ហៅ​រ៉ូ​ស ស្ថិតក្នុង​វ័យ​ជិត​៣០​ឆ្នាំ បាន​ធ្វើ​ឲ្យ​មហាជន មានការ​ចាប់អារម្មណ៍​ជា​ខ្លាំង ជាមួយ​នឹង​ការរិះគន់​ឥត​សំចៃ កាលពី​អំឡុង​ឆ្នាំ​២០១៩ ក្រោយពី​តារា​ស្រី​រូបនេះ បាន​ថត​MV​បែប​រោលរាល​នៅមុខ​រថយន្ត មើលទៅ​មិន​សមជា​នារី​ខ្មែរ​នោះ។

ភាពល្បីល្បាញ​កាលពី​ឆ្នាំ​២០១៩ មិនទាន់​ធ្វើ​ឲ្យ​មនុស្ស​គ្រប់គ្នា​ស្គាល់​រូបនាង​នោះឡើយ ប៉ុន្តែ​តាមរយៈ​ការឆ្លើយតប​ទៅកាន់​អ្នក​មីង​​​ម្នាក់​តាម​បណ្ដាញ​សង្គម​Tik Tok​នៅ​ឆ្នាំ​២០២០ ថា អ្នក​មីង​អត់​ស្គាល់​ខ្ញុំ ដូច​អត់​ស្គាល់​ក្រដាស​១០ ក្រដាស​២០ ដូច​អត់​ស្គាល់​វិមានឯករាជ្យ​នោះ ទើប​ធ្វើ​ឲ្យ​មហាជន ចាប់ផ្ដើម​ស្គាល់ រ៉ូ​ស តាំងពី​ពេលនោះ​មក​តែម្ដង។

តាមរយៈ​ភាព​ល្បីល្បាញ​នេះ តារា​សម្ដែង​អាណា​រ៉ូ​ស ឈាន​ដល់​ការ​ថត​ចេញ​ជា​បទ​ចម្រៀង​ទៀតហើយ ប៉ុន្តែ​មិន​ទទួល​បាន​ការ​គាំទ្រ​ច្រើន​នោះ​ឡើយ ដោយសារតែ​ទឹកដម​សំឡេង​របស់​នាង នៅមានកម្រិត​។ ពេល​កំពុង​ឈរជើង​លើ​វិថី​សិល្បៈ​នេះ​ផង​ដែរ តារា​ស្រី​រូបនេះ ក៏​ធ្លាប់​បញ្ជាក់ថា ខ្លួន​មិនដែល​ស្គាល់​តារា​ចម្រៀង​វ៉ាន់ដា​នោះទេ។

ក្រោយ​និយាយ​រំលង​បាន​ប៉ុន្មាន​ខែ ស្រាប់តែ​នៅ​ថ្ងៃ​ទី​២១ ខែ​វិច្ឆិកា ឆ្នាំ​២០២០​នេះ តារា​សម្ដែង ដែល​ចូលចិត្ត​ហូប​សាលាដ​រូប​នេះ បាន​បង្ហោះ​រូបថត​ជាមួយ​តារា​ចម្រៀង​វ៉ាន់ដា អម​ដោយ​Caption​បែបនេះ​ថា «​ដោយសារ​គេ​កាត់ត​នាង​ខ្ញុំ​ដាក់​វ៉ាន់ដា​ច្រើនពេក​ឥឡូវ​នាង​ខ្ញុំ​រ៉ូ​ស​ចង់​ជួប​វ៉ាន់ដា​ចង់ដឹងថា​មុខ​វ៉ាន់ដា​នៅ​ខាងក្រៅ​បែប​ណា​ ហើយ​ជួប​នេះ​ក្នុងន័យ​វ៉ាន់ដា ​សិ​ល្បៈ​រៀមច្បង ទេ​ចា​ហើយ​វ៉ាន់ដា​បើ​បានឃើញ​ជួយ​ទាក់ទង​មក​rose​ផង​ចា ​ហើយ​ដឹង​មិច​បាន​ខ្ញុំ​ចង់​ជួប​វ៉ាន់ដា​អត់​ដោយសារ​វ៉ាន់ដា​ចេះ​ធ្វើបុណ្យ ធ្វើ​សប្បុរស​ធម៌​ទើប​rose​ចង់​ជួប​មិន​មែន​លំ​លំ​ទេ​ចា»៕


Related posts

Leave a Comment