គ្មាន​អ្នកណា​ល្អ​គ្រប់​១០! ស្រី​អូន បានសម្រេច​បំណង​ក្លាយ​ជា​ម្ដាយ​ទី​២​របស់​ក្មេង​រងគ្រោះ​រាប់​រយ​នាក់ តែ​សោកស្ដាយ​នូវ​រឿង​មួយ​

អ្នកលេង​បណ្ដាញ​សង្គម​ហ្វេ​ស​ប៊ុ​ក​ភាគច្រើន បាន​ស្គាល់​រួចមកហើយ​នូវ​ស្រីអូន សម្រស់​ធម្មជាតិ ដែលជា​ស្ត្រី​មួយរូប​មានចិត្ត​សប្បុរសធម៌ ជួយ​កិច្ចការងារ​សង្គម ទទួល​ចិញ្ចឹម​កុមារ ចាស់​ជរា​ និង​ធ្វើ​សកម្មភាព​មនុស្សធម៌​ជាច្រើន​ទៀត។


ស្ត្រី​អូន ធ្លាប់​បញ្ជាក់​លើ​ទំព័រ​ហ្វេ​ស​ប៊ុ​ក​របស់​ខ្លួន​នា​ពេល​កន្លងមក​ថា រហូត​មក​ទល់នឹង​ពេលនេះ ខ្លួន​មានកូន​ចិញ្ចឹម​សរុប​ជិត​២០០​នាក់​ហើយ ព្រមទាំង​ចាស់ជរា​ប្រហែល​២០​នាក់​។ ទោះជា​បែបនេះ​ក្ដី​ស្រីអូន ក៏​ទទួលស្គាល់ថា​ខ្លួនឯង​មិនល្អ​គ្រប់​១០​នោះទេ ដោយសារតែ​គ្មាន​ពេលវេលា​សម្រាប់​កូន​ចិញ្ចឹម និង​កូនបង្កើត​របស់ខ្លួន។


ជាក់ស្ដែង​នៅ​មុន​នេះ​បន្តិច ស្រីអូន​ បាន​បង្ហោះ​រូប​ខ្លួនឯង​មួយ​សន្លឹក រួច​សរសេរ​រៀបរាប់​ដូច្នេះ​ថា «​ថ្ងៃនេះ ផ្ញើ​ថវិកា​​អោយ​កូនៗ​រងគ្រោះ​ដែល​ត្រូវ​ចិញ្ចឹម​10000$​ថែម​ ខ្ញុំ​មិនដែល​ធ្លាប់​គិត​ថា ក្ដី​ស្រមៃ​របស់ខ្ញុំ​បានសម្រេច​ដូច​ចឹ​ង​ទេ ក្លាយ​ជា​ម្ដាយ​ទី​២​របស់​ក្មេងរងគ្រោះ​រាប់រយ​នាក់ បាន​ជួយសង្គ្រោះ បានផ្ដល់​ក្ដី​ស្រលាញ់​ ប៉ុន្ដែ​ខ្ញុំ​មិន​អាច​ផ្ដល់​ពេលវេលា​គ្រប់គ្រាន់​អោយ​កូនៗ​រងគ្រោះ​និង​កូនបង្កើត​របស់ខ្លួន​ឯង​ទេ​ ពិតណាស់​មនុស្ស​យើង​គ្រប់គ្នា​គ្មាន​អ្នកណា​ល្អ​គ្រប់​ដប់​ទេ ខ្ញុំ​ចង់​ធ្វើជា​ម្ដាយ​ល្អ​ណាស់​ តែ​ខ្ញុំ​មានតែ​លុយ​ចិញ្ចឹម​កូន​ គ្មាន​ពេលវេលា​អោយ​កូន»។


តាមរយៈ​សំណេរ និង​រូបភាព​នេះ អ្នកគាំទ្រ បាន​លើកឡើង​ដូច្នេះ​ថា «​ល្អ​ណាស់​អូន​បង​ចូលចិត្ត​អំពើ​មនុស្សធម៌​របស់​អូន​ណាស់​សង្ឃឹមថា ​ទេវតា​តាម​ថែ​អូន​រហូត​»​។ «​ម្ដាយ​គ្រប់រូប​បាន​ត្រឹម​លុយ​ចិញ្ចឹម​កូន​ទេ ខ្វះ​ការ​កក់ក្ដៅ​»​។ «​អំពើ​ល្អ​ នឹង​ជួយ​ថែ​នាក់​រហូត​»​។ «​ទឹកចិត្ត​ប្រពៃ​ណាស់​អូន សែន​ស្រលាញ់​»​។ «​បង​ពិតជា​មនុស្ស​ល្អ​កម្រ​មាន​មែន​»​។ «​ស្អាត​ហើយ​ចិត្ត​ទៀត​សូម​បាន​ម៉ាក់​ផល»។


គួរ​បញ្ជាក់​ថា ​មុន​នឹង​បង្ហោះ​សារ​ខាងលើ​នេះ ​ស្រី​អូន ​បាន​បង្ហោះ​រូប​ថត​ក្មេង​រងគ្រោះ​ជា​ច្រើន​សន្លឹក​អម​ដោយ​ការ​សរសេរ​រៀបរាប់​ថា «ថ្ងៃនេះ​ជូន​10000$​ជាកា​ដូរ​ដល់​កូនៗ​រងគ្រោះ​100​នាក់​ជាង​ ពួកគាត់​ជា​ក្មេងស្រី​ ដែល​រងគ្រោះ​ដោយ​ការ​រំ លោភបំពាន ​និង​ជួញ ដូរ ខ្លះ​ត្រូវ​ឪពុក​​បង្កើត​រំ លោភ ខ្លះ​ជីតា ខ្លះ​ត្រូវ​ជន​ល្មើស​រំ លោភ​ហិ ង្សា ខ្លះ​ត្រូវ​ម្ដាយ​លក់ដូរ​តាំងពី​អាយុ​3​ឆ្នាំ​សុំទោស​កូនៗ​ម៉ាក់​រវល់​មិនបាន​ទៅលេង​កូនៗ​តែ​បេះដូង​ម៉ាក់​នៅ​ជាមួយ​កូនៗ​គ្រប់ពេល​ជូន​បុណ្យ​ផង​បងប្អូន​ Afesip Cambodia៕​

 

Related posts

Leave a Comment