ដូច​ការសង្ស័យ​មែន​អត់! ឧកញ៉ា​ឡេង ណា​វ៉ា​ត្រា បង្ហោះ​រូបថត​បាយ​ជុំ​គ្នា ជាមួយ​ខេមរៈ ​សិរីមន្ត ធ្វើ​ឲ្យ​អ្នកគាំទ្រ ​កាន់​តែ​ច្បាស់​ក្នុង​ចិត្ត

គេ​នៅ​ចាំ​បាន​ថា កន្លងមក លោក​យឹម តា​ស្រង់ នាយក​គ្រប់គ្រង​នៅ​ផលិតកម្ម​Galaxy Navatra ធ្លាប់​បាន​បង្ហោះ​រូប​ជុំ​គ្នា​ម្ដង​រួច​មក​ហើយ​ជាមួយ​កំពូល​តារា​ចម្រៀង​លោក​ខេមរៈ សិរីមន្ត ជាហេតុ​ធ្វើ​ឲ្យ​អ្នកគាំទ្រ​ផ្ទុះ​ការចាប់អារម្មណ៍​​​​​​ និង​បាន​សន្និដ្ឋាន​ផ្សេងៗ​ ជុំវិញ​រឿង​នេះ។


ក្នុងការ​បង្ហោះ​រូប នាពេលនោះ​លោក​យឹម តា​ស្រង់ បាន​សរសេរ​រៀបរាប់ថា «​ការងារ​សិល្បៈ​ជាមួយគ្នា​ត្រូវ​ចេះ​គោរព​ស្រឡាញ់​និង​ឲ្យ​តម្លៃ​គ្នា​ទៅវិញទៅមក ព្រោះ​វិល​ចុះ​វិល​ឡើង​តែងតែ​ជួបគ្នា​ហើយ​កុំ​មើលស្រាល​នរណាម្នាក់​ថា​គេ​ក្មេង​ជាង ខ្ចី​ជាង ឬ​យក​គេ​ជាស​ត្រូវ​មើលស្រាល​គេ​មិន​ដល់​ខ្លួន ឬ​មើលស្រាល​មិន​ឲ្យ​តម្លៃ​បុគ្គលិក​ខ្លួនឯង​អាង​តែ​ខ្លួនឯង​ជា​ម្ចាស់ ផ្លូវ​នៅមាន​ដើរ​បន្តទៀត​វែងឆ្ងាយ​នៅពេល​ខាងមុខ​ទៀត​»​។​


លុះ​នៅ​ថ្ងៃទី​២៥ ខែកញ្ញា ឆ្នាំ​២០២០​នេះ ស្រាប់តែ​ឧកញ៉ា ឡេង ណា​វ៉ា​ត្រា បាន​បង្ហោះ​រូបថត​មួយ​សន្លឹក ក្នុង​ពេលបាយ​ជុំគ្នា​ជាមួយ​លោក​ខេមរៈ សិរីមន្ត ដោយ​សរសេរ​ថា «​បាយ​ព្រឹក​ជាមួយ I dol» ជាហេតុ​ធ្វើ​ឲ្យ​អ្នកគាំទ្រ​មានការ​ចាប់អារម្មណ៍​ជាថ្មី ហើយ​បញ្ចេញយោបល់ ហាក់​មាន​មន្ទិល​ជុំវិញ​រឿងនេះ។


ជាក់ស្ដែង​ពួកគេ​បានលើកឡើង​ដូច្នេះ​ថា «​តើ​បង​សិរីមន្ត​អាច​និង​ចូល​ផលិតកម្ម​galaxy​ដែររឺទេ​»​។ «​យក បង ខេមរៈ ចូល Galaxy Navatra ផង​បង​»​។ «​នុះ​ប្រហែល​សិរីមន្ត​ម្នាក់​ទៀតហើយ​ដែល​ចូល​galaxy navatra»​។ «​ចុះឡើងៗ សិរី​មន្ត ចូល Galaxy ដែរ​ឥលូ​វហើយ​»​។ «​ចុ​ម​សង្ស័យ​តែ​idol ចូលទៅ​មួយទៀត​ណាស់ ​.​ហង្ស​មាស​ឈរជើង​រាប់​ឆ្នាំ​អាច​នឹង​ដួល បើ​បាត់​សិរីមន្ដ​មួយទៀត​»​។ «​ដូច​មាន​ប្រផ្នូល​ថា​បង​មន្ត​ចូល​Galaxy​ដែរ​»​។ « បង​ឧកញ៉ា​កុំ​ថា​យក​បង​សិរីមន្ត​មក​ទៀត​ណា​»​។​

  
គួរ​បញ្ជាក់ថា ពេល​ផ្ទុះ​ការចាប់អារម្មណ៍​លើកដំបូង​តាមរយៈ​រូបថត ដែល​លោក​យឹម តា​ស្រង់ បាន​បង្ហោះ​នោះ លោក​ខេមរៈ សិរីមន្ត ធ្លាប់បាន​បញ្ជាក់ប្រាប់​អង្គភាព​សារព័ត៌មាន​មួយ​ថា លោក​គ្រាន់តែ​ពិសា​អាហារ​ជុំគ្នា​ជាមួយនឹង​អ្នករកស៊ី​ផ្នែក​អចលនទ្រព្យ​ប៉ុណ្ណោះ ហើយ​ក្រៅពី​ការ​ច្រៀង លោក​មាន​សិទ្ធិ​ក្នុងការ​រកស៊ី​លើ​ផ្នែក​នេះ ជាមួយ​អ្នកណា​ក៏បាន​ដែរ​៕​

Related posts

Leave a Comment