តារាចម្រៀងវ័យក្មេង កំពុងសាងកេរ្តិ៍ល្បីល្បាញនៅផលិតកម្មGalaxy Navatra កញ្ញា តន់ ចន្ទសីម៉ា កាលពីពេលថ្មីៗកន្លងទៅនេះ បានចេញមុខបកស្រាយ ពន្យល់ជុំវិញការផ្លាស់ប្ដូរទម្រង់មុខរបស់ខ្លួន ពេលប្រឡង និងពេលឥឡូវ មានភាពខុសគ្នាដាច់តែម្ដងនោះ។
តន់ ចន្ទសីម៉ា បានបញ្ជាក់ការ ការផ្លាស់ប្ដូរទម្រង់មុខរបស់ខ្លួននេះ ដោយសារតែការធ្វើច្រមុះ ការក្រៀប ពត់ធ្មេញ ការស្រកគីឡូ ជាកត្តារួមផ្សំ ដែលធ្វើឲ្យទម្រង់មុខរបស់នាង មានការផ្លាស់ប្ដូរ ខុសពីពេលប្រឡងកម្មវិធីលំដាប់ថ្នាក់ពិភពលោកនោះ។
ការចេញមុខបញ្ជាក់បែបនេះ ដោយសារតែមានបងប្អូន ពិសេសអ្នកគាំទ្រនាង មានចម្ងល់ជុំវិញការផ្លាស់ប្ដូរទម្រង់មុខនេះ ដោយអ្នកខ្លះយល់ថា មកពីការចាក់ថ្គាម កាត់វី អីជាដើមនោះ។
តន់ ចន្ទសីម៉ា បានបញ្ជាក់នៅលើគណនីTik Tokរបស់ខ្លួនដូច្នេះថា «ខ្ញុំជឿថា បងប្អូនទាំងអស់គ្នាមានចម្ងល់កន្លែងនឹងច្រើនណាស់ ដោយសារតែការផ្លាស់ប្ដូរនៃទម្រង់មុខរបស់ខ្ញុំ កាលពីប្រឡង និងឥឡូវគឺខុសគ្នាដាច់ ហើយខ្ញុំក៏ជឿបងប្អូន ខ្ញុំជឿថាបងប្អូននឹងជឿថា ការដែលសម្រកគីឡូក៏ជាកត្តាមួយជំរុញឲ្យផ្លាស់ប្ដូរនៃទម្រង់មុខដែរ»។
សីម៉ា បានពន្យល់ទៀតថា «កាលពីពេលដែលខ្ញុំប្រឡងនោះ ខ្ញុំមានគីឡូ៥០ជាង ដែលពេលឥឡូវខ្ញុំមានគីឡូតែ៤៧គីឡូទេ បូកឡំនឹងការធ្វើច្រមុះរបស់ខ្ញុំ ហើយអ្វីដែលកាន់តែប្ដូរនោះ គឺការក្រៀបធ្មេញ ពត់ធ្មេញរបស់ខ្ញុំ ធ្វើឲ្យទម្រង់មុខរបស់ខ្ញុំចូលសងខាងនេះអស់ ចឹងធ្វើឲ្យមានអ្នកខ្លះយល់ច្រឡំថាខ្ញុំនឹងចាក់ថ្គាម កាត់វីអី ឬក៏អី គឺអត់មានទេ គឺខ្ញុំបានពត់ធ្មេញ ហើយសម្រាប់ការពត់ធ្មេញនេះដែរមានរយៈពេល១ឆ្នាំជាងហើយ ហើយទម្រង់មុខរបស់ខ្ញុំពីមុនមក វាផ្លាស់ប្ដូរ ដោយសារអី ឥឡូវវា៧ឆ្នាំហើយបងប្អូន ចឹងការអាប់ដេតខ្លួនឯង ការចេះតែងខ្លួន ក៏ធ្វើឲ្យយើងផ្លាស់ប្ដូរពីមួយឆ្នាំទៅដែរ ចឹងខ្ញុំជឿថាបងប្អូននឹងយល់ពីចំណុចហ្នឹង»៕
